By Толбо сумын Засаг даргын Тамгын газар нь агнуурын бүс нутгийн менежмент хариуцагч “Мармара Интернэйшнл” ХХК-тай хамтран биотехникийн арга хэмжээ хэрэгжүүллээ.
Тус ажлын хүрээнд байгаль хамгаалагч Х. Сураган, Х. Жанузах нар Толбо сумын “Борт”, “Сайр уул”, “Зурхайчийн нуруу” агнуурын бүс нутгуудад Монгол Улсын Улаан номд орсон ховор амьтад болох аргаль хонь, янгир ямаанд зориулж 60 боодол өвс, 1.3 тонн давс тавьж, нэмэлт тэжээлээр хангах ажлыг зохион байгууллаа.
Энэхүү арга хэмжээ нь ховор амьтдын өвөлжилтийг дэмжих, идэш тэжээлийн хүртээмжийг нэмэгдүүлэх, экосистемийн тэнцвэрт байдлыг хадгалахад чухал ач холбогдолтой юм.
