By Баян-Өлгий аймгийн Толбо сумын 6 дугаар багийн оршин суугч, малчин, өндөр настан Хауан овогт Төлеубайн Монгол Улсын Ерөнхийлөгчийн 2025 оны 02 дугаар сарын 24-ний өдрийн 26 дугаар зарлигаар “АЛТАН ГАДАС” одонгоор шагнагдлаа.
Х.Төлеубай нь 1953 онд Толбо сумын Бураат хэмээх газар төрсөн. Тэрээр Т.Тауыктай гэр бүл зохиож 3 хүү, 2 охин өсгөн хүмүүжүүлсэн манай сумын өнөр өтгөн гэр бүлүүдийн нэгэн юм.
Тэр багаасаа хөдөлмөрч, ажилсаг хүүхэд байсан бөгөөд аав, ээжийнхээ хамт нэгдлийн туслах малчнаар ажиллаж хөдөлмөрийн гараагаа эхлүүлсэн юм. Мал маллах, ан агнах зэрэг уламжлалт ажил эрхлэлтэд амжилттай ажиллан, олон жил үр бүтээлтэй хөдөлмөрлөсөн. 1973-1975 онд 3 жилийн хугацаанд цэргийн албаа нэр төртэйгөөр хааж, эх орондоо үйлчилсэн.
Түүний хөдөлмөрийг төр засаг өндөр үнэлж, ХАА-н “Тэргүүний ажилтан” цол, Монгол Улсын хөдөлмөрийн хүндэт медаль, Ардын хувьсгалын 70, 80, 90, 100 жилийн ойн баярын тэмдгээр шагнаж байжээ.
Х.Төлеубайн хөдөлмөрийг нь төрийн зүгээс үнэлэн, төрийн дээд шагнал “АЛТАН ГАДАС” одонгоор шагнуулсанд баяр хүргэж, эрүүл энх, сайн сайхан бүхнийг хүсье.
ТОЛБО СУМЫН ЗАСАГ ТАМГЫН ГАЗАР
2025-03-31
