Х. Танирбергений аймгийн заан цолны мялаалга наадам эхэллээ

Тулгар төрийн 2234 жил, Их Монгол Улс байгуулагдсаны 819 жил, Үндэсний эрх чөлөө, тусгаар тогтнолоо сэргээн мандуулсны 114 жил, Ардын хувьсгалын 104 жил, Баян-Өлгий аймаг үүсэн байгуулагдсаны 85 жилийн ойн үндэсний баяр наадмын хүчит 128 бөхийн барилдаанд уран мэхийг уралдуулан, зургаа даван үзүүрлэж “Аймгийн заан” цол хүртсэн Баян-Өлгий аймгийн Толбо сумын харьяат, “Алдар” спорт хороо, “Бес Богда бүргэдүүд” клубийн бөх Хуанышын Танирбергений мялаалга наадам өнөөдөр эхэллээ. Тус мялаалга наадамд зориулсан хүчит 64 бөхийн барилдаан аймгийн Спортын цогцолборт өргөн дэлгэр зохион байгуулагдаж байна. Зохион байгуулагч: Толбо сумын Иргэдийн Төлөөлөгчдийн Хурал, Засаг даргын Тамгын газар.